गोरखाको चुमनुब्री गाउँफालिका–४ मान्द्रुङ खोलामा बाढी ,तीन वटा घर बगाएयो

काठमाडौं  ,भदौ २१ - गोरखाको चुमनुब्री गाउँफालिका–४ मान्द्रुङ खोलामा आएको बाढीले तीन वटा घर बगाएको छ । 

गएराति साढे ३ बजेको समयमा आएको बाढीले चुमनुब्री गाउँपालिका–४ नाम्रुङका नगु छिरिङ,उर्गीन लामा र लाक्पाभुटी लामाको घर बगाएको गाउँपालिका अध्यक्ष निमा लामाले जानकारी दिएका हुन् । भारी वर्षापछि मान्द्रुङ खोलामा बाढी आउँदा एउटा फलामको पुलमा समेत क्षति पुगेको गोरखाका डीएसपी राजकुमार श्रेष्ठले जानकारी दिएका छन् । बाढीबाट मानवीय क्षति भने नभएको र अहिले वर्षा रोकिएका कारण खोला घट्ने क्रममा रहेको डीएसपी श्रेष्ठले जानकारी दिएका छन् । स्थानीय प्रशासनले उक्त नदी तटीय क्षेत्रमा रहेका नागरिकलाई सतर्कता अपनाउन अनुरोध गरेको छ ।