नाडा अटो शो–२०२६ आजदेखि, १५० भन्दा बढी ब्रान्ड र २०० भन्दा बढी स्टल सहभागी

काठमाडौं , भदौ ९ - काठमाण्डौको भृकुटीमण्डपमा आजदेखि नाडा अटो शो–२०२६ शुरु हुँदैछ । 

१८ औँ संस्करणको नाडा अटो शोमा यसपटक अटोमोबाइल क्षेत्रमा भित्रिएका नयाँ–नयाँ प्रविधिबारे जानकारी गराइने आयोजकले जनाएको छ । नाडाले आफ्नो ५० औँ वार्षिकोत्सवको अवसरमा यसपटक नेपालकै अहिलेसम्मकै ठूलो मोबिलिटी प्रदर्शनी हुने जानकारीसमेत दिएको छ । २०३२ सालमा स्थापना भएको नाडाले ५० वर्ष पूरा गरी स्वर्ण जयन्ती मनाइरहेको अवसरमा यो प्रदर्शनी आयोजना गरेको हो । प्रदर्शनीमा दुई सयभन्दा धेरै स्टल तथा १ सय ५० भन्दा धेरै ब्रान्डहरू रहने आयोजकले जनाएको छ । मेलामा २३ वटा चारपाङ्ग्रे ब्रान्ड, १७ वटा साना तथा मझौला व्यावसायिक ब्रान्ड र १३ वटा दुईपाङ्ग्रे ब्रान्डहरूको प्रत्यक्ष सहभागिता रहनेछ । यसका साथै पाट्र्स, टायर, ब्याट्री, ल्युब्रिकेन्ट, चार्जिङ पूर्वाधार तथा ग्यारेज उपकरणसम्बन्धी झन्डै ७० वटा कम्पनीका साथै १० वटा बैंक, वित्तीय संस्था तथा बिमा कम्पनीहरू सहभागी हुने नाडाका अध्यक्ष सुरेन्द्रकुमार उप्रेतीले जानकारी दिएका छन् ।