सरकारसँग देउवा दम्पतीको आग्रह : नेपाल फर्कन सहज अवस्था बनाइयोस्

काठमाडौँ, असार ३ - पूर्वप्रधानमन्त्री शेरबहादुर देउवा र पत्नी आरजु देउवा राणाले आफूहरू नेपाल फर्कन चाहेको र त्यसका लागि सहज वातावरण बनाइदिन सरकारसँग आग्रह गरेका छन् । 

आउँदो साउन २८ गतेभित्र नेपाल फर्किने जानकारी उनीहरुले सरकारलाई गराएका छन् ।  देउवा दम्पतीले सम्पत्ति शुद्धीकरण अनुसन्धान विभागलाई पत्राचार गरेर सहज वातावरणका लागि आग्रह गरेको खुलेको हो । 

नवयुवा आन्दोलनको क्रममा गएको भदौ २४ मा बूढानीलकण्ठ निवासमा प्रदर्शनकारीको आक्रमणमा परेर उनीहरु घाइते भएका थिए । त्यसपछि थप उपचारका लागि भन्दै सिंगापुर पुगेका हुन् ।  

नेपाल फर्केर फेरि सिंगापुर पुगेको अनुमान छ । देउवा दम्पतीले सम्पत्ति शुद्धीकरण अनुसन्धान विभागलाई लेखेको इमेलमा आफूहरुमाथि धरपकड नगर्न सर्वोच्च अदालतबाट जेठ ११ गते अन्तरिम आदेश भइसकेको स्मरण समेत गराइएको छ ।