अर्थमन्त्री स्वर्णिम वाग्लेले आर्थिक वर्षको बजेटबारे थप प्रकाश पार्दै

  जेठ १७- अर्थमन्त्री डा. स्वर्णिम वाग्लेले आर्थिक वर्ष २०८३/८४ को बजेटका सन्दर्भमा आज पत्रकार सम्मेलन गर्दैछन् । 

अर्थमन्त्री वाग्लेले आर्थिक वर्ष २०८३/८४ को बजेटका सन्दर्भमा सिंहदरबारस्थित अर्थ मन्त्रालयको सुवर्ण हलमा पत्रकार सम्मेलनमार्फत अन्तक्र्रिया गर्न लागेका हुन् । दिउँसो ३ बजे आगामी आर्थिक वर्षको बजेटका शन्र्दभमा पत्रकार सम्मेलन आयोजना गरिएको अर्थमन्त्रीको सचिवालयले जनाएको छ । शुक्रबार अर्थमन्त्री वाग्लेले संघीय संसदको संयुक्त बैठकमा २१ खर्ब २४ अर्ब ३४ करोड रुपैयाँ बराबरको बजेट सार्वजनिक गरेका थिए । 

यसमध्ये चालु खर्च १२ खर्ब ७० अर्ब ५८ करोड अर्थात् ५९ दशमलव ८ प्रतिशत, पुँजीगततर्फ ४ खर्ब ३१ अर्ब १० करोड अर्थात् २० दशमलव ३ प्रतिशत रहेको छ । यस्तै, वित्तीय व्यवस्थातर्फ ४ खर्ब २२ अर्ब २४ करोड रुपैयाँ अर्थात् १९ दशमलव ९ प्रतिशत विनियोजन गरिएको छ ।।